༄༅། །དཔལ་རྡོ་རྗེ་རྣམ་པར་འཇོམས་པ་ལ་ཕྱག་འཚལ་ལོ། །
顶礼吉祥金刚摧破!
འབྱུང་པོ་ཐམས་ཅད་འགུགས་པའི་ལས་བྱེད་པར་འདོད་པས། དུར་ཁྲོད་དུ་སོང་ནས་མཎྜལ་ནག་པོ་བྱས་ལ། བུམ་པ་ནག་པོ་དར་མཐིང་ནག་གིས་མགུལ་ཆིངས་བྱས་ལ། དུག་ཤིང་གི་ལོ་མས་ཁ་རྒྱན་བྱས་ཏེ། སྲད་བུ་ནག་པོའི་གཟུངས་ཐག་བཏགས་ལ་བཅོམ་ལྡན་འདས་སྐུ་མདོག་ནག་པོར་བསྒྱུར་ཏེ། རིག་སྔགས་ཀྱི་སྙིང་པོ་ཇི་ལྟར་ནུས་པ་བཟླས་ལ་དེའི་རྗེས་ལ་སརྦ་ཀུ་ལན་ཨ་བརྟ་ཡ་སྭཱ་ཧཱ་ཞེས་སྟོང་ཕྲག་གཅིག་བཟླས་ནས་
欲作召引一切部多之事业者,前往尸林,制作黑色曼荼罗。以深蓝黑绸系黑瓶之颈,以毒树叶作瓶口饰,系上黑线陀罗尼绳。将世尊观为黑色,尽力念诵明咒心。随后念以下咒一千遍:
གཟུངས་ཐག་ནས་གཟུང་སྟེ་བདག་ཉིད་ཀྱི་སྙིང་ག་ནས་རྡོ་རྗེ་ལྕགས་ཀྱུས་མཚན་པ་གྲངས་མེད་པ་འཕྲོས་པས་གང་འབྱུང་པོའི་གདོན་གང་ལ་དམིགས་པ་འགུགས་པར་དམིགས་ཏེ། བཟླས་བརྗོད་ཀྱི་འཕྲོ་འདུ་བྱས་པས་འབྱུང་པོ་དམིགས་པ་ཙམ་གྱིས་ཁུགས་ཏེ། དེ་ནས་བུམ་པའི་ནང་དུ་བཀུག་སྟེ་རྡོ་རྗེ་ཅན་གྱི་ཞབས་ཀྱི་འོག་ཏུ་མནན་ཏེ་ཀུ་ཅོའི་སྒྲ་འདོན་ཅིང་ཇི་ལྟར་བསྒོ་བ་བཞིན་དུ་ཉན་པར་དམིགས་སོ། །
抓住陀罗尼绳,观想从自己心间放出无数以金刚钩为标帜者,召引所缘的部多祟。依念诵作放射与收摄,仅一作意即将部多召来。再引入瓶中,压在持金刚足下,观其大声喊叫,服从一切命令。
དེ་ནས་མནན་པར་འདོད་ན་དུར་ཁྲོད་དུ་བུམ་པ་དང་བཅས་པ་མནན། བསྲེག་ན་ཏིལ་གྱི་བུམ་པ་ལ་བརྒྱ་རྩ་བརྒྱད་དབུལ། སྐྲོད་ན་བྱ་ནག་མོའི་སྤུ་ལ་སྔགས་བཟླས་ལ་རླུང་ལ་བསྐུར། ཀུན་ནས་འབྱུང་པོའི་སྟོབས་ཉམས་པར་འདོད་ན་མཆོད་རྟེན་གྱི་འོག་ཏུ་འཁོར་ལོ་བརྒྱངས་ལ་གཞག་གོ། །དེ་ཉིད་བརླག་པར་འདོད་ན་ཏ་ལའི་ལོ་མ་ལ་གཟུགས་དང་མིང་ར་ཁྲག་གིས་བྲིས་ལ་གསལ་ཤིང་ལ་བསྐྱོན་ནོ། །
若欲镇压,便连瓶镇压在尸林;若欲焚烧,对芝麻瓶作一百零八次奉献;若欲驱逐,对黑雌鸟羽毛念咒,再随风遣送;若欲令部多之力全面衰损,在塔下张设轮而安置。若欲毁坏它,在多罗叶上以山羊血画其形像并写其名,置于尖木上。
འབྱུང་པོ་འགུགས་པའི་བསྒྲུབ་པ་རྡོ་རྗེ་ལྕགས་ཀྱུ་ཞེས་བྱ་བ། སློབ་དཔོན་ཡེ་ཤེས་རྡོ་རྗེས་མཛད་པ་རྫོགས་སོ།།
《召引部多的金刚钩成就法》,阿阇黎智金刚所作,圆满。
