༄༅། །དཔལ་རྡོ་རྗེ་རྣམ་པར་འཇོམས་པ་ལ་ཕྱག་འཚལ་ལོ། །
顶礼吉祥金刚摧破!
རྣ་བའི་དབང་པོ་ཉམས་ཤིང་རྣ་བ་གསོ་བར་འདོད་པའི་སྒྲུབ་པ་པོ་དམ་ཚིག་དང་ལྡན་པས། ཞག་གསུམ་སྨྱུང་བར་གནས་ཤིང་གོས་གསར་པ་གྱོན་ལ་ཁྲུས་ཀྱི་ཆོ་ག་བརྒྱ་རྩ་བརྒྱད་བྱས་ལ། དེའི་རྗེས་ལ་བདག་ཉིད་རྡོ་རྗེ་རྣམ་པར་འཇོམས་པ་སྐུ་མདོག་ལྗང་གུར་དམིགས་ལ་བདག་ཉིད་ཀྱི་སྙིང་གའི་ས་བོན་ལས་འོད་འཕྲོས་པས་འཕགས་པ་མཆོད་སེམས་ཅན་གྱི་དོན་བྱས་པས། ཕྲིན་ལས་བཞིའི་འདོད་པ་རྣམས་ཡོངས་སུ་རྫོགས་པར་བྱས་པས། དེ་ནས་ཡང་འོད་འཕྲོས་པས་སྔར་དང་འདྲ།
欲修复衰损耳根与耳病,具三昧耶的行者守斋三日,穿新衣,作沐浴仪轨一百零八次。之后观自身为绿色金刚摧破,心间种子放光,供养圣众、利益众生,圆满四事业所愿;再放光,仍如前行。
དེ་ནས་འོད་འཕྲོས་པས་སྒྲའི་ལྷ་མོ་གྲངས་མེད་པ་འཕྲོས་ཏེ། དེ་དག་རེ་རེ་ལས་ཀྱང་སྤྲུལ་པའི་ལྷ་མོ་དཔག་ཏུ་མེད་པ་འཕྲོས་ཏེ། སྣང་བ་ཐམས་ཅད་སྒྲའི་ལྷ་མོ་ཞལ་ནས་སྒྲ་སྙན་པ་སྣ་ཚོགས་པ་བརྗོད་པས། ཕྱག་ན་སྒྲ་སྙན་པའི་བྱུང་ཁུངས་པི་ཝང་དང་། གླིང་བུ་དང་། རྫ་རྔ་ལ་སོགས་པ་རྣམ་པ་སྣ་ཚོགས་པ་བསྣམས་ཤིང་དེ་ཉིད་ཀྱི་སྒྲས་སངས་རྒྱས་ཀྱི་ཞིང་ཁམས་ཐམས་ཅད་དུ་མཆོད་པའི་བྱེ་བྲག་སྤྲིན་རྣམ་པར་བྱེད་པ་སངས་རྒྱས་དང་བྱང་ཆུབ་སེམས་དཔའ་རྣམས་མཆོད་ནས། སླར་ཡེ་ཤེས་ཀྱི་འོད་ཕུང་ཆེན་པོ་གཅིག་ཏུ་གྱུར་ནས། བདག་ཉིད་ལ་བསྐོར་བ་ལན་གསུམ་བྱས་ནས་བདག་གི་སྙིང་གའི་ས་བོན་ལ་ཐིམ་ནས། དེ་ཉིད་ཐིམ་པས་ལུས་ངག་ཁྲོ་བོ་རྡོ་རྗེ་རྣམ་འཇོམས་ཀྱི་ང་རྒྱལ་དུ་དམིགས་ལ། ཚོགས་རྫོགས་པར་བྱ།
随后放光,散出无数声天女,由每一天女再放无量化现天女。一切显现皆为声天女,口出种种悦耳音,手持琵琶、笛、陶鼓等各样妙声之源。以其声音于一切佛刹兴起种种供云,供养佛菩萨后,复合为一大智慧光聚,绕自身三次,融入自己心间种子。随其融入,观身语起忿怒金刚摧破之慢,圆满资粮。
དེ་ནས་ཡང་འོད་འཕྲོས་པས་ལྷ་མོ་དེ་དག་གིས་གོང་ལྟར་སེམས་ཅན་གྱི་དོན་བྱས་ནས། ཡང་ཡེ་ཤེས་ཀྱི་འོད་ཕུང་པོ་ཆེན་པོ་གཅིག་ཏུ་གྱུར་ནས། བདག་གི་སྙིང་གའི་ས་བོན་ལ་བསྟིམ་པ་སྔ་མ་དང་འདྲའོ། །དེ་ནས་ལན་གཅིག་འཕྲོས་ནས་དོན་གཉིས་རྫོགས་པར་བྱས་ནས་བདག་གི་རྣ་བ་ལ་ཐིམ་པས་སངས་རྒྱས་ཐམས་ཅད་ཀྱི་སྙན་རྣམ་པར་དག་པ་དྲི་མ་མེད་ཅིང་འོད་གསལ་བ་ཡེ་ཤེས་ཀྱི་མཁྱེན་པ་རྫོགས་པར་དམིགས་ཤིང་སྙིང་པོ་རྒྱས་བསྡུས་ཅི་རིགས་པར་བཟླས་སོ། །
再度放光,诸天女如前利益众生,再合为一大智慧光聚,如前融入自己心间种子。其后再放一次,圆满二利,融入自己的耳,观一切佛清净无垢、光明的耳根与智慧知见圆满,随宜念广略心咒。
རྣ་བ་ན་བ་རྣམས་ལ་ཁུག་ཆོས་ཆེན་པོའི་ཕྱེ་མ་དང་། རྩི་མར་ལ་བཟླས་ཏེ་བླུགས། འོན་ཞིང་སྒྲ་མི་ཐོས་པ་རྣམས་ལ་འབྲུ་མར་དང་རུ་རྟ་ལ་བཟླས་ཏེ་བྱུག་གོ། །ཟུག་ཆེ་ཞིང་གཟེར་བ་རྣམས་ལ་མར་སྣ་ཚོགས་དང་སྦྲང་རྩི་ལ་བཟླས་ལ་རྩ་རྣམས་ལ་བྱུགས་ཏེ་ཉི་མ་ལ་སྲེག་གོ། །
耳痛者,对大“库却”粉与脂油念咒而灌入;聋而不闻声者,对谷油、木香念咒而涂;剧烈刺痛者,对各种酥油及蜜念咒,涂在诸脉,向日晒灸。
རྣ་བའི་དབང་པོ་ཉམས་པ་དང་དེའི་ནད་གསོ་བའི་ཆོ་ག །སྒྲ་ལས་རྣམ་པར་རྒྱལ་བ་ཞེས་བྱ་བ་སློབ་དཔོན་ཡེ་ཤེས་རྡོ་རྗེས་མཛད་པ་རྫོགས་སོ།།
修复耳根衰损与耳病的仪轨《胜声》,阿阇黎智金刚所作,圆满。
