༄༅། །དཔལ་རྡོ་རྗེ་རྣམ་པར་འཇོམས་པ་ལ་ཕྱག་འཚལ་ལོ། །
顶礼吉祥金刚摧破!
ལུས་ཀྱི་དབང་པོ་ཉམས་ཤིང་ན་བ་གསོ་བའི་ཆོ་ག་བྱེད་པར་འདོད་པའི་སྒྲུབ་པ་པོ་དམ་ཚིག་དང་ལྡན་པས། གོས་གསར་པ་དྲི་མ་མེད་པ་བགོས་ཏེ་ཞག་གསུམ་སྨྱུང་བར་གནས་ཏེ། ལུས་ཀྱི་དབང་པོ་གང་ན་ཡང་ཁྲུས་ལན་གྲངས་བདུན་ནམ་བཅུ་གཅིག་གམ། ཉེར་གཅིག་གམ། སུམ་ཅུ་རྩ་གཉིས་སམ། བརྒྱ་རྩ་བརྒྱད་དམ། སྟོང་ཕྲག་གཅིག་གམ། ཁྲི་ཕྲག་གཅིག་ལ་སོགས་པ་ན་བའི་རིགས་དང་སྦྱར་ལ་བྱའོ། །
欲行修复身根衰损与身病的仪轨,具三昧耶的行者,穿洁净新衣,守斋三日。无论身体何处患病,依疾病种类作沐浴七次、十一次、二十一次、三十二次、一百零八次、一千次、一万次等。
དེ་ནས་དེའི་འོག་ཏུ་རྡོ་རྗེ་རྣམ་པར་འཇོམས་པའི་ང་རྒྱལ་དུ་བྱས་ཏེ། རང་གི་སྙིང་གའི་ས་བོན་ལས་འོད་ཕྲིན་ལས་བཞི་གང་མོས་པའི་ཁ་དོག་ཏུ་འཕྲོས་པས་རེག་བྱའི་ལྷ་མོ་ཁ་དོག་འོད་ཟེར་དང་མཐུན་པ་ཕྱག་ན་རེག་བྱའི་ལྷ་མོ་བྱེ་བྲག་དཔག་ཏུ་མེད་པ་འཕྲོས་པས་སངས་རྒྱས་ཀྱི་ཞིང་ཁམས་དཔག་ཏུ་མེད་པར་མཆོད་པའི་སྤྲིན་གྱིས་གཏིབས་ནས་མཉེས་པར་བྱ་སྟེ། ཡེ་ཤེས་ཀྱི་འོད་ཕུང་པོ་ཆེན་པོ་གཅིག་ཏུ་གྱུར་ནས་སླར་བདག་གི་སྙིང་གའི་ས་བོན་ལ་ཐིམ་པས་སངས་རྒྱས་ཐམས་ཅད་ཀྱི་སྐུ་གསུང་ཐུགས་བསྡུས། དེ་ནས་ཡང་འཕྲོས་ནས་ལྷ་མོར་གྱུར་པས་སེམས་ཅན་གྱི་དོན་བྱས་ནས་ཡང་སྙིང་གར་འོད་དུ་གྱུར་ནས་ཐིམ་མོ། །དེ་ལྷ་མོ་སྤྲོས་ནས་ལྷ་མོ་དེ་དག་ཀྱང་བདག་གི་ལུས་ལ་ཐིམ་པས། ཡང་སངས་རྒྱས་ཐམས་ཅད་ཀྱི་སྐུ་རྣམ་པར་དག་པ་དྲི་མ་མེད་པའི་ཡེ་ཤེས་ཀྱི་ལུས་སུ་སོང་སྟེ། སངས་རྒྱས་སྐུའི་མཁྱེན་པ་རྫོགས་པར་དམིགས་ཤིང་སྙིང་པོ་རྒྱས་བསྡུས་ལ་ཅི་རིགས་པར་བཟླས་སོ། །
然后起金刚摧破之慢,由心间种子放出随所信解四事业之色的光,显现颜色与光相同的触天女,手中放出无量触天女的差别化现。供云遍覆无量佛刹,令诸佛欢喜;诸天女合为一大智慧光聚,回融自己心间种子,摄集一切佛的身语意。再放出而成天女,利益众生后,复化光融于心。再放天女,融入自己身体,成为一切佛清净无垢的智慧身,观佛身之知圆满,随宜念广略心咒。
དེ་ཡང་ལུས་ཀྱི་སྟོད་ན་ན་ཆུ་ལ་བཟླས་སོ། །སྨད་ན་ན་དྲི་ཆུ་ལ་བཟླས་སོ། །ཚ་ན་གི་ཝི་ལ་བཟླས་སོ། །གྲང་ན་བུ་རམ་གྱི་ཁུ་བ་ལ་བཟླས་སོ། །མགོ་ན་ན་རྡོ་རྒྱུས་ལ་བཟླས་སོ། །སྐེ་དང་མཇིང་པ་ན་ན་ཉའི་མཁྲིས་པ་ལ་བཟླས་སོ། །ལག་པ་ན་ན་སྟག་ཚེར་བ་ལ་བཟླས་སོ། །ཕོ་མཆིན་མ་བདེ་ན་བཅའ་སྒ་ལ་བཟླས་སོ། །
身上部疼痛,对水念咒;下部疼痛,对尿念咒;热者,对“吉维”念咒;寒者,对蔗糖汁念咒;头痛,对石髓念咒;颈项痛,对鱼胆念咒;手痛,对虎刺念咒;胃肝不适,对姜念咒。
གློ་སྙིང་མ་བདེ་ན་ཅུ་གང་རྒྱ་མཚོ་གསེར་གྱི་བྱེ་མ་ལ་བཟླས་སོ། །ཡི་ག་འཆུས་ན་སེ་འབྲུ་དང་གུར་གུམ་ལ་བཟླས་སོ། །སྦོས་ན་རྒྱམ་ཚ་ལ་བྱའོ། །བཤང་གཅི་ཆེ་ཆུང་འདོམ་ན་སྡིག་སྲིན་ལ་བྱའོ། །རྒྱུ་མ་ན་ན་སྐྱེར་བའི་ཁཎྜ་ལ་བྱའོ། །མཁལ་མ་ན་ན་གསེར་གྱི་པུད་པུ་ལ་བྱའོ། །པུས་མོ་ན་ན་ཙནྡན་ལྡེ་གུ་ལ་བྱའོ། །རྐང་པ་ན་ན་ལི་ཤི་ལ་བྱའོ། །
肺心不适,对竹黄、海金砂念咒;食欲受损,对石榴子与藏红花念咒;胀者,用岩盐;大小便及裆部疾病,用蟹;肠痛,用小檗膏;肾痛,用“金之普普”;膝痛,用檀香膏;足痛,用丁香。
འཁྲུ་ན་སྦྲང་རྩི་དང་ཨུཏྤལ་ལ་བྱའོ། །སྐྱུག་ན་ན་ལེ་ཤམ་གྱིས་བྱའོ། །གཟེར་བ་ལ་ཆུ་དཀྱིལ་གྱི་རྡོ་བ་གྲང་མོ་ལ་བྱའོ། །རྩིབ་ལོགས་ན་བ་ལ་ལག་མཐིལ་གཡོན་པ་ལ་བསྔགས་ཤིང་གླན་ནོ། །གྲེ་བ་ན་ན་རྒུན་འབྲུམ་ལ་བཟླས་སོ། །ཆུ་སོ་ན་ན་དོང་ག་དང་ལན་ཚ་ལ་བཟླས་ཤིང་དུགས་བྱའོ། །རིམས་ལ་ཆུ་དང་ཙནྡན་དཀར་པོ་ལ་བཟླས་ནས་བྱའོ། །འབྲུམ་བུ་ལ་ག་བུར་དང་སེང་ལྡེང་གི་ཁུ་བ་ལ་བཟླས་སོ། །ཀླད་གཟེར་ལ་ཨ་ཀ་ལའི་ཁུ་བ་ལ་བཟླས་སོ། །
腹泻,用蜜与乌钵罗;呕吐,用胡椒;刺痛,用水中冷石;胁痛,加持左掌而按贴。喉痛,对葡萄念咒;“曲索”痛,对冬瓜与盐念咒而热敷;疫病,对水与白檀念咒而作;疹病,对樟脑与森登汁念咒;脑中刺痛,对阿迦罗汁念咒。
མཛེས་ཟིན་པ་ལ་ནི་གུ་གུལ་དང་བྷ་ས་ལི་དང་འབྲས་ཀྱི་ཐལ་བ་ལ་བཟླས་སོ། །གདོན་དྲག་པོས་ཟིན་པ་རྣམས་ལ་སྨྱག་ཤད་ཀྱི་ལྕུག་མ་དང་། བལ་པོ་སེའུའི་ལྕུག་མ་དང་། ཀླུ་ཤིང་གི་ལྕུག་མ་ལ་བྱའོ། །འབྲས་ལ་ས་འདག་ཚིལ་ཆེན་གྱི་ཁུ་བ་བསྲེས་ལ་བྱའོ། །མཚོན་གྱིས་བཏབ་པ་རྣམས་ལ་པ་ལ་ཤའི་ལོ་མས་བྱའོ། །སྐྲངས་པ་ལ་ཚ་སྣ་དང་ལུམ་བུའི་ཕྱེ་མས་བྱའོ། །ཤུ་བ་ལ་དུར་བྱིད་དང་ཤུ་དག་ལ་བྱའོ། །ཞ་གྲུམ་དང་(སྐུར་,སྒུར་)པོ་ལ་སེང་ཕྲོམ་དང་ཚ་བའི་ཡུངས་མོ་ལ་བྱའོ། །ལྷོག་པ་དང་ཕོལ་ལ་རབ་གནས་བྱས་པའི་ཚ་ཚ་རྙིང་པའི་ས་དང་། དུག་སྣ་ཚོགས་ལ་བཟླས་སོ། །
麻风所执者,对安息香、婆萨利与米灰念咒。猛祟所执者,用涅谢嫩枝、尼泊尔石榴嫩枝、龙木嫩枝。肿瘤,用萨达和大脂之汁相和;兵器所伤,用波罗奢叶;肿胀,用各种盐与隆布粉;疮病,用杜毕与菖蒲;跛痹及伛偻,用森冲与热性芥子;痈疡及脓疮,对旧时已开光擦擦的泥土及种种毒念咒。
ཆུ་རྒྱུས་ཀྱི་ནད་ལ་མར་སྣ་ཚོགས་པ་ལ་བཟླས་ཏེ་བསྐུ་མཉེ་བྱའོ། །སྙིང་རླུང་དང་འདར་བ་རྣམས་ལ་ཏ་མ་ལའི་འབྲས་བུ་ལ་བཟླས་སོ། །ལྦ་བ་ལ་སེང་ལྡེང་གི་ཕུར་པ་ལ་བཟླས་ལ་བྱའོ། །སྦིད་ཅིང་རེངས་པའི་ནད་ལ་ཚ་བ་གསུམ་ལ་བཟླས་ལ་བྱའོ། །ཡན་ལག་གི་ཚིགས་ན་བ་རྣམས་ལ་ཁྲག་སྣ་ཚོགས་ལ་བཟླས་ལ་བྱའོ། །དབུགས་མི་བདེ་བ་རྣམས་ལ་ཨཱ་ལི་ཀཱ་ལིའི་འབྲས་བུ་ལ་བཟླས་ལ་བྱའོ། །ཁྲག་ནད་ལ་གླང་པོའི་ཤས་བྱའོ། །སོ་ནད་ལ་བྲ་མ་དཀར་པོའི་རྩ་བ་ལ་བཟླས་སོ། །མཆུ་ནད་ལ་ནི་ཨ་རུ་རའི་པགས་པ་ལ་བཟླས་སོ། །སྒལ་པ་ན་བ་ལ་འབྲུ་མར་ལ་བཟླས་སོ། །
筋水之病,对各种酥油念咒而按摩;心风与颤抖,对多摩罗果念咒;瘿肿,对森登橛念咒而作;麻木僵硬之病,对三辛念咒而作;肢体关节痛,对各种血念咒而作;呼吸不畅,对阿利迦利果念咒而作;血病,用象肉;牙病,对白扎玛根念咒;唇病,对诃子皮念咒;背痛,对谷油念咒。
ལུས་ཀྱི་དབང་པོ་ཉམས་པ་དང་ལུས་ན་བ་གསོ་བའི་ཆོ་ག་རྡོ་རྗེ་རྒྱལ་མཚན་ཞེས་བྱ་བ། སློབ་དཔོན་ཡེ་ཤེས་རྡོ་རྗེས་མཛད་པ་རྫོགས་སོ།།
修复身根衰损及身体疾病的仪轨《金刚胜幢》,阿阇黎智金刚所作,圆满。
