༄༅། །དཔལ་རྡོ་རྗེ་ཅན་ལ་ཕྱག་འཚལ་ལོ། །
顶礼吉祥持金刚!
གཟུངས་སྔགས་ཀྱི་སྦྱོར་བ་མ་གྲུབ་པ་རྣམས་གྲུབ་པར་བྱེད་པའི་ལས་ཀྱི་མཐའ་རྫོགས་པར་བྱེད་པའི་སྒྲུབ་པ་པོ་དམ་ཚིག་དང་ལྡན་པས་དཀྱིལ་འཁོར་དཔའ་བོ་གཅིག་པ་བཞེངས་ལ་རིན་པོ་ཆེའི་བུམ་པའི་ནང་དུ་འདོད་པའི་ལྷའི་གཟུགས་ར་གན་ལ་བསྒར་བ་ས་ལ་གཞུག་གོ། །ཆུ་སྣ་སུམ་ཅུ་རྩ་ལྔ་དང་། སྨན་སྣ་དང་རིན་པོ་ཆེའི་གྲངས་ཀྱང་དེ་ཙམ་གཅིག་བཙལ་ལ་གཙོ་བོའི་བསྙེན་པ་ཇི་ཙམ་རིགས་པ་བྱས་ལ་རྒྱུད་ཀླག་པ་དང་། མཆོད་པའི་བྱེ་བྲག་ཇི་ལྟར་རིགས་པ་དང་བསྟོད་པ་བྱའོ། །
欲使未成的陀罗尼咒运用得以成就、圆满事业之终际,具三昧耶的行者建立独勇曼荼罗,将所欲本尊的形像镶制于黄铜,置于珍宝瓶内的土中。寻得三十五种水、同样数量的药物和珍宝。相应地修本尊近修,诵读续典,作各种适宜供养与赞颂。
དེ་ནས་རང་གིས་གང་འདོད་པའི་སྒྲུབ་པ་ཅི་རིགས་པར་བྱས་ལ་ལས་ལ་སྦྱར་བའི་ཆོ་ག་ལན་བརྒྱ་རྩ་བརྒྱད་དང་སྟོང་ཕྲག་གཅིག་བྱས་ལ། འདོད་པའི་ལྷའི་སྐུའི་ཐུགས་ཀར་རྡོ་རྗེ་རྣམ་འཇོམས་ཀྱི་མཛོད་སྤུ་ནས་འོད་འཕྲོས་པས་ཁ་དོག་ཇི་ལྟར་མོས་པ་ལྕགས་ཀྱུའི་རྣམ་པ་དང་འདྲ་བ་བྱུང་ལ་ཡི་དམ་ཅི་འདྲ་བ་དེ་གྲངས་མེད་པ་དེའི་ཐུགས་ཀར་གཞུག་གོ། །
然后随宜修自己所愿的成就法,作运用事业的仪轨一百零八及一千次。观金刚摧破眉间白毫放光,颜色随所信解,形似铁钩,进入所欲本尊形像的心间;令无数与该本尊相同的形像进入其心。
དེ་ནས་ལྷ་ཨར་ལ་གཏད་པའི་ཆོ་ག་བྱའོ། །མཎྜལ་དམར་པོའི་སྟེང་དུ་གཏོར་མ་ལྔ་བྱས་ཏེ། དེ་དག་རེ་རེའི་ནང་དུ་སྙིང་པོ་གང་ཡང་རུང་བ་བོང་བུའི་ཁྲག་གིས་གྲོ་ག་ལ་བྲིས་ལ་གཏོར་མའི་འོག་ཏུ་བཅུག་ལ་ཁྲག་དང་འོ་མ་བསྲེས་ལ་སྦྲེང་ཞིང་། ཡི་དམ་གྱི་སྙིང་པོ་གང་ཡིན་པ་དེ་མས་བཟློག་ལ་སྟོང་ཕྲག་བདུན་བཟླས་ཏེ། ལས་མ་གྲུབ་པ་ནི་མཆོག་ཡིན་ནོ་ཞེས་ལན་བདུན་བརྗོད་པས་གཏོར་མ་དེ་དག་དུར་ཁྲོད་དུ་ཁྱེར་ལ་དོང་བྲུས་ལ་དོང་དུ་བླུགས་ལ་དུར་ཁྲོད་ཀྱི་སོལ་བས་བཅད། དེ་དག་ཀུན་གྱི་འོག་ཏུ་ཅི་འདོད་པའི་དོན་དེ་ལས་ལ་སྦྱར་ལ་གཞག་གོ། །
再作将本尊确定安置的仪轨。于红曼荼罗上置五食子;以驴血在桦皮上书写任一心咒,分别放在每一食子之下,混合血与乳而洒。将该本尊心咒倒转,念七千遍,七次说:“事业未成者,乃为最胜。”将这些食子带到尸林,掘坑置入,以尸林炭封断。在这一切下面,安置所愿之事而与事业相应。
དེ་ནས་བུམ་པའི་ནང་གི་ཡི་དམ་གྱི་གཟུགས་ལ་ཡེ་ཤེས་སེམས་དཔའ་ལན་བརྒྱ་རྩ་བརྒྱད་བཅུག་ལ་རང་གི་འདོད་པའི་དོན་ལ་གསོལ་བ་བཏབ་སྟེ། སྙིང་པོ་སྟོང་ཕྲག་གཅིག་བཟླས་ལ་སྤྱན་དྲང་བ་དང་མཆོད་པ་དང་བསྟོད་པ་རང་གི་གཞུང་དང་མཐུན་པར་བྱས་ལ། མཆོད་པ་དང་བསྟོད་པ་གཏོར་མ་བརྒྱ་རྩ་བརྒྱད་བྱས་ན་སྔར་སྔགས་ཀྱི་ལན་གྲངས་དང་དུས་ལས་སྐྱོལ་ན་མ་གྲུབ་པ་རྣམས་གྲུབ་སྟེ།
然后,对瓶中本尊形像一百零八次迎入智慧尊,为所愿之事祈祷,念心咒一千遍。迎请、供养与赞颂均依自己的经轨而作,供养、赞颂及食子各作一百零八。若达到先前咒语所需遍数与时限,原先未成者便得成就。
དེ་ལྟར་བྱས་ན་བདག་ཉིད་བུམ་པའི་ཆུས་ཁྲུས་བྱས་ཏེ། བདག་གི་ལུས་ཁྲོ་བོ་གྲངས་མེད་པར་སྤྲུལ་ལ་དེ་དག་རྣམས་ཀྱི་ལུས་ལ་སྤྲུལ་པའི་ཁྲོ་ཆུང་གྲངས་མེད་པ་སྤྲོས་ནས་སྣང་བ་ཐམས་ཅད་ཁྲོ་བོར་དམིགས་ལ། ཁྲོ་བོ་དེ་དག་གིས་འདོད་པའི་དོན་གང་ཡིན་པ་ངེས་པར་སྟེར་བ་དང་། བདག་ཉིད་ཀྱི་ལས་དང་བག་ཆགས་ཐམས་ཅད་རྒྱུན་གཅད་དེ། ཉེས་སྐྱོན་དང་དྲི་མ་ཐམས་ཅད་དག་པར་དམིགས་སོ། །དེའི་རྗེས་ལ་ཁམས་གསུམ་གྱིས་བསྡུས་པའི་སེམས་ཅན་རྣམས་ཀྱི་ལས་དང་ཉོན་མོངས་པ་ཐམས་ཅད་ཀྱང་རྒྱུན་གཅད་དེ། ཏིལ་གྱི་འབྲུ་ཙམ་ཡང་མ་ལུས་པར་དག་པར་དམིགས།
如是而作,以瓶水沐浴自身。将自身化为无数忿怒尊,又由诸尊之身放出无数化现的小忿怒尊,观一切显现皆为忿怒尊。观这些忿怒尊必定赐予所求,截断自身一切业与习气之流,使过失、垢染悉皆清净。其后观三界所摄一切众生的业与烦恼之流也被截断,连芝麻许也无余地清净。
འདོད་པའི་དོན་ཇི་ལྟར་དམིགས་པ་བཞིན་དུ་ཁམས་གསུམ་དུ་གཏོགས་པའི་གཟུགས་དང་གཟུགས་མེད་པ་རྣམས་ཀྱིས་ཀྱང་ཁྱོད་ཀྱི་སྔགས་ངེས་པར་འགྲུབ་པར་ལྷ་ཆེ་གེ་མོས་གྱིས་ཤིག་པར་འདོད་པའི་དོན་ལ་གསོལ་བ་གདབ་པར་དམིགས་སོ། །དེ་ནས་ཁམས་གསུམ་དུ་གཏོགས་པའི་སེམས་ཅན་རྣམས་ལ་གཏོར་མ་རོ་མཆོག་བརྒྱ་དང་ལྡན་པ་སྦྱིན་པར་བྱའོ། །དེ་ནས་སྨོན་ལམ་གདབ། དཀྱིལ་འཁོར་བསྡུ། བཀྲ་ཤིས་གསོལ། ཡི་གེ་བརྒྱ་པ་ཡང་འབུམ་ཕྲག་གཅིག་གིས་བཤགས་སོ། །
依所观想的愿求,观三界中有色与无色者都为所愿之事祈请:“某某本尊,请令你的咒语必定成就!”然后给三界所摄众生布施具百种上味的食子。发愿,收摄曼荼罗,祈请吉祥,再以百字明十万遍忏悔。
གཟུངས་སྔགས་ཀྱི་ལས་མ་གྲུབ་པ་རྣམས་གྲུབ་པར་བྱེད་པ་རྡོ་རྗེ་བེ་ཅོན་ཞེས་བྱ་བ། སློབ་དཔོན་ཡེ་ཤེས་རྡོ་རྗེས་མཛད་པ་རྫོགས་སོ།།
令未成的陀罗尼事业得以成办之《金刚棍》,阿阇黎智金刚所作,圆满。
