༄༅། །དཔལ་རྡོ་རྗེ་རྣམ་པར་འཇོམས་པ་ལ་ཕྱག་འཚལ་ལོ། །
顶礼吉祥金刚摧破!
བྲན་དང་བཟའ་མི་བསྲུང་བར་འདོད་པས་སྒྲུབ་པ་པོ་དམ་ཚིག་དང་ལྡན་པས། དུར་ཁྲོད་ཀྱི་ཤིང་ལེབ་ཀྱི་སྟེང་དུ་དཀྱིལ་འཁོར་བཞེངས་ལ་ཁྲིའི་སྟེང་དུ་བཞག་ལ། འོག་ཏུ་ཆུའི་སྣོད་ཆེན་པོ་གཞག་གོ། །དེའི་ཤར་དུ་གང་བསྲུང་བ་དེ་རྣམས་ཁྲུས་ནས་བཏོན་ལ་བཞག་ལ། ཚོན་སྣ་ལྔའི་སྐུད་པ་ལ་སྙིང་པོ་བརྒྱ་རྩ་བརྒྱད་བཟླས་ལ་མདུད་པ་བོར་ལ་མགུལ་དུ་གདགས་སོ། །རྒྱ་ཤོག་ལ་འཁོར་ལོ་རྩིབས་ལྔ་པ་ལ་ཤིན་ཏུ་བསྡུས་པའི་འཁོར་ལོ་གི་ཝང་གིས་བྲིས་ལ། སྤྱི་བོའི་གཙུག་ཏུ་གདགས་སོ། །
欲守护仆人与家属,具三昧耶的行者在尸林木板上建立曼荼罗,置于座上,下放大水器。在其东方,令被守护者沐浴后出浴安住。对五色线念心咒一百零八遍,打结系颈。以牛黄在纸上画五辐轮及极略之轮,系在头顶。
ཤར་དུ་ཁ་བལྟས་ལ་ཕྱག་བཙལ་བ་དང་། དེ་ལྟར་ལྷོ་དང་ནུབ་དང་བྱང་རྣམས་སུ་ཕྱག་འཚལ་དུ་བཅུག་ལ་དཀྱིལ་འཁོར་གྱི་འོག་གི་ཆུས་བྲབ་བ་དང་། བརྡེག་པ་དང་། འཐོར་འཐུང་བྱས་ལ་དཀྱིལ་འཁོར་གྱི་འོག་ནས་ཤར་ནས་ནུབ་ཏུ་བཏོན་ཅིང་ཏིང་ངེ་འཛིན་གྱི་དཀྱིལ་འཁོར་དེ་འོད་ཀྱི་ཕུང་པོ་ཆེན་པོ་ཞི་བར་འདོད་ན་དཀར་པོ། རྒྱས་པར་འདོད་ན་སེར་པོ། དབང་དུ་འདོད་ན་དམར་པོ། ཚར་གཅད་པར་འདོད་ན་ལྗང་གུར་བཞུ།
令其面东礼拜,同样向南、西、北礼拜。以曼荼罗下的水洒打、击触,作洒水饮水仪节,使其从曼荼罗下由东向西而出。定中曼荼罗融为大光聚:欲息灾则白,欲增益则黄,欲摄伏则红,欲降伏则绿。
ལྷ་རྣམས་གཤེགས་སུ་གསོལ། འོད་ཟེར་དེ་གང་བསྲུང་བའི་སྤྱི་གཙུག་ཏུ་བསྟིམས་ལ། དེ་ཉིད་ཀྱང་འོད་ཀྱི་ཁ་དོག་ཅི་འདྲ་བར་བཞུ་བར་དམིགས་ལ། ཕྱོགས་སྐྱོང་དང་སྒོ་མ་རྣམས་དེ་ཉིད་ལ་མཆོད་པར་དམིགས་སོ། །དེ་ལྟར་བྱས་པས་སངས་རྒྱས་ཐམས་ཅད་ཀྱི་སྐུ་གསུང་ཐུགས་ཀྱི་བྱིན་རླབས་ཀྱི་གཞིར་འགྱུར་རོ། །
祈请诸尊返回,将光融入被护者头顶,观被护者也融为同样颜色的光;观方位护与守门女向其供养。如是即成为一切佛身语意加持之所依。
བྲན་དང་བཟའ་མི་གདོན་གྱིས་གཙེས་པ་བསྲུང་བའི་ཆོ་ག་ཆེན་མོ་ཞེས་བྱ་བ། སློབ་དཔོན་ཡེ་ཤེས་རྡོ་རྗེས་མཛད་པ་རྫོགས་སོ།།
《守护受祟侵扰的仆人与家属大仪轨》,阿阇黎智金刚所作,圆满。
