༄༅། །དཔལ་རྡོ་རྗེ་རྣམ་པར་འཇོམས་པ་ལ་ཕྱག་འཚལ་ལོ། །
顶礼吉祥金刚摧破!
རིག་སྔགས་ཀྱི་ལས་ཐམས་ཅད་བྱེད་དུ་འཇུག་པའི་སྒྲུབ་པ་ལས་ཀྱི་བྱེ་བྲག་སྣ་ཚོགས་པ་བསྒྲུབ་པར་འདོད་པའི་སྒྲུབ་པ་པོ་དམ་ཚིག་དང་ལྡན་པས། གནས་ཁང་ཡིད་དང་མཐུན་པར་རྡོ་རྗེ་རྣམ་པར་འཇོམས་པའི་ལྷ་ལྔའི་དཀྱིལ་འཁོར་བཞེངས་ལ། བུམ་པ་ལྔ་ལ་རྒྱུད་སྟོང་ཕྲག་རེ་བཟླས་ལ། དེ་ནས་ལས་ལ་སྦྱར་བ་ནི།
欲修使一切明咒事业得以施行的种种差别成就法,具三昧耶的行者,应在合意住所建立金刚摧破五尊曼荼罗,对五个宝瓶各诵续一千遍,然后运用于事业。
རིག་སྔགས་གཅད་པར་འདོད་ན་མཚོན་རྣོན་པོ་ལ་སྙིང་པོ་རྒྱས་པ་ལན་གཉིས་བརྗོད་པས་རྩྭ་ཀུ་ཤ་བཅད་དོ། །ཡང་ན་ས་བཅད་དོ། །དེས་རིག་སྔགས་བཅད་པར་ངེས་སོ། །ལན་གསུམ་པས་རིག་སྔགས་ཉམས་པ་སྐོངས་སོ། །མར་ངོའི་ཉི་ཤུ་གསུམ་ལ་སྔགས་བརྗོད་ལ་དཀྱིལ་འཁོར་གྱི་མདུན་དུ་མཆོད་པ་བྱས་ན་རྨི་ལམ་དུ་དགེ་བ་དང་མི་དགེ་བ་སྟོན་པར་ངེས་སོ། །
若欲截断明咒,对利器念广心咒两遍,割断吉祥草,或划断土地,必能截断明咒;念三遍,则补足衰损的明咒。下半月二十三日,念咒并在曼荼罗前供养,必于梦中显示善与不善。
ཐལ་བ་འམ་ཆུ་ལ་ལན་བཞི་བཟླས་ཏེ། དུར་ཁྲོད་ཀྱི་སོལ་བ་ལས་གཟུགས་བྱས་ཏེ། མཚོན་གྱིས་གཏུབ་ཅིང་ས་ལ་བརྡབས་ན་གདོན་ལས་གྲོལ་བར་ངེས་སོ། །ཡང་ན་དུར་ཁྲོད་ཀྱི་སོལ་བས་ལག་མཐིལ་གཡོན་དུ་རྡོ་རྗེ་བྲིས་ཏེ། ས་ལ་གཟུགས་བྲིས་ལ་རྡོ་རྗེ་དང་ལྡན་པའི་ལག་པས་མནན་ན་གཞན་གྱི་རིག་སྔགས་ནོན་ཏོ། །སྐུད་པ་ལ་མདུད་པ་བོར་ལ་ལན་ཉེར་གཅིག་བརྗོད་པས་རིག་སྔགས་འཆིང་ངོ་། །
对灰或水念四遍,以尸林炭作形像,用利器切割并摔在地上,必脱离祟。又或以尸林炭在左掌画金刚杵,在地上画形像,以有金刚杵的手压住,可镇伏他人的明咒。在线上打结,念二十一遍,能缚明咒。
དཀྱིལ་འཁོར་གྱི་ཙནྡན་དམར་པོས་རྡོ་རྗེ་རྩེ་ལྔ་པ་བྲིས་ལ་གུ་གུལ་གྱིས་བདུགས་ལ་མེ་ཏོག་གཏོར་ཞིང་གཞན་གྱི་རྣ་བར་ལན་ཉེར་གཅིག་བཟླས་ན་ཀ་བབས་པར་ངེས་སོ། །ཆུའམ་སོ་ཕག་གི་དུམ་བུའམ་ཐལ་མོ་བརྡབས་པ་ལན་བདུན་བཟླས་ན་ནད་པ་ལ་ཕྲ་མེན་མའི་ཉེ་འབྱེད་ལས་གྲོལ་ལོ། །རྨ་བྱའི་མདོངས་དང་ཆུ་གྲི་དང་མེ་ལོང་ལ་བརྒྱ་བཟླས་ན་སྦྲུལ་གྱིས་ཟིན་པ་ལས་གྲོལ་ལོ། །
以曼荼罗的红檀香画五股金刚杵,熏安息香、散花,并在他人耳边念二十一遍,必有“嘎”降临。对水、砖块,或拍掌,念七遍,使病者脱离颇门母的侵扰。对孔雀翎、水刀及镜念一百遍,能脱离蛇咬。
རྒྱ་སྤོས་དང་། རྒྱ་མཚོ་སྦུ་བ་དང་། ལྡོང་རོས་དང་། རྨ་བྱའི་མཁྲིས་པ་ལ་སྟོང་བཟླས་ཏེ། ཆུ་དང་སྦྱར་ཏེ་ལྟོར་བཏང་ན་དུག་གིས་ཟིན་པ་ལས་གྲོལ་ལོ། །ཆུ་བསྐོལ་བ་ལ་ལན་ལྔ་བཟླས་ཏེ་བཏང་ན་སྲིན་བུ་དང་སྦྲང་བུའི་ནད་སོས། མར་ལ་ལན་བརྒྱ་རྩ་བརྒྱད་བཟླས་བརྗོད་བྱས་ནས་བུད་མེད་སྦྲུམ་མའི་བུ་སྐྱེ་ཁ་མ་ལ་བྱིན་ན་བདེ་བར་བཙའ་བར་འགྱུར་རོ། །བདུག་པ་སྣ་ཚོགས་པ་ལ་སྔགས་ལན་ཉེར་གཅིག་བརྗོད་ནས་བདུགས་ན་བྱིས་པ་གདོན་གྱིས་ཟིན་པ་ལས་གྲོལ་ལོ། །
对印度香、海泡、雄黄、孔雀胆念一千遍,和水令服,使中毒者解脱。对沸水念五遍令服,虫与蝇之病得愈。对酥油念一百零八遍,给予临产孕妇,便能安产。对各种熏香念二十一遍而熏,儿童得脱祟害。
སྦྱིན་སྲེག་གི་ཐལ་བ་དང་ཐལ་བ་གཙང་མ་ལ་ལན་བརྒྱ་རྩ་བརྒྱད་བརྗོད་ནས་རྐུན་མ་བྱུང་བའི་ཕྱོགས་སུ་གཏོར་ན་རྐུ་མི་ཤེས་པར་འགྱུར་རོ། །གོས་ཀྱི་མཐའ་མར་མདུད་པ་ལན་བདུན་བོར་ནས་སྔགས་ལན་བདུན་བརྗོད་པས་བདག་བསྲུང་བར་ཤེས་སོ། །སྤྱི་གཙུག་གི་སྐྲ་ལ་མདུད་པ་བོར་ནས་ལན་བདུན་བརྗོད་པས་གཞན་བསྲུང་ངོ་། །ཆུ་ལ་ལན་བརྒྱ་རྩ་བརྒྱད་བརྗོད་ནས་ཕྱོགས་བཞིར་གཏོར་བས་ཆུ་སྲིན་གྱི་འཇིགས་པ་ལས་གྲོལ་ལོ། །ཡུངས་ཀར་ལ་ལན་བདུན་བཟླས་ནས་གཏོར་ན་སྟག་གི་འཇིགས་པ་ལས་ཐར་རོ། །ཕུར་བུ་ལ་ལན་བརྒྱ་རྩ་བརྒྱད་བཟླས་ནས་ཞིང་དཀྱིལ་དུ་བཏབ་ན་ཞིང་སྲུང་བར་བྱེད་དོ། །
对护摩灰及净灰念一百零八遍,撒向盗贼来处,使其不知如何盗取。在衣边打七结,念七遍,即知护身;在头顶发上打结,念七遍,可护他人。对水念一百零八遍,洒向四方,脱离水怪的怖畏。对白芥子念七遍而撒,脱离虎怖。对橛念一百零八遍,钉于田中,便能守田。
ཤིང་སོར་བཅུ་གཉིས་པ་མེར་བཏང་ལ་འབྲས་དང་འོ་ཐུག་དང་ཞོ་དང་སྦྲང་རྩི་དང་མར་དང་སྦྱར་ལ་བླུགས་གཟར་དུ་བླུགས་ལ་ཞག་གསུམ་དུ་སྲེག་བླུགས་སྟོང་རྩ་བརྒྱད་བྱས་ན་བདག་དང་གཞན་ཞི་བར་འགྱུར་རོ། །ཞག་བདུན་བྱས་ན་གྲོང་ཁྱེར་ཙམ་ཞི་བར་འགྱུར་རོ། །མངར་གསུམ་གྱི་སྦྱིན་སྲེག་ཞག་བདུན་དུ་བྱས་ན་ཆར་འབེབས་སོ། །དཱུར་བའི་ཉག་མ་ལ་སྦྲང་རྩི་ཞོ་དང་མར་གྱི་ནང་དུ་བསྙུགས་པའི་སྦྱིན་སྲེག་ཉི་མ་གཅིག་ལ་ལན་སྟོང་རྩ་བརྒྱད་བྱས་ན་དེ་ལྟར་ཞག་བཅུའི་བར་ལ་བྱས་ན་དུས་མ་ཡིན་པར་འཆི་བ་རྣམས་ཞིའོ། །རྩྭ་དཱུར་བའི་སྦྱིན་སྲེག་ལན་འབུམ་བྱས་ན་ཚེ་སྟོང་ཕྲག་ལྔ་ཐུབ་བོ། །
将长十二指的木材投入火中,将米、乳粥、酸乳、蜜、酥油混合,装入倾注杓,三日内作一千零八次焚供,自他得以息灾;若作七日,一城范围皆得安宁。以三甜作护摩七日,可降雨。将杜尔瓦草茎浸入蜜、酸乳、酥油中,一日作护摩一千零八次,如是十日,可息非时之死。以杜尔瓦草作护摩十万次,可住寿五千。
སློང་མོའི་ཟས་ཟ་ཞིང་སྔགས་འབུམ་ཕྲག་གཅིག་བཟླས་ཏེ། ཟླ་བ་གཟས་ཟིན་པའི་ཚེ་བ་ནག་མོའི་འོ་མ་ལ་ལན་བརྒྱ་རྩ་བརྒྱད་བརྗོད་ནས་བྱུགས་ན་བཅུད་ལེན་དུ་འགྱུར་རོ། །ལོ་ལེགས་པ་དང་བུ་ཚ་འཕེལ་བར་འདོད་ན་ཞོའི་སྦྱིན་སྲེག་བརྒྱ་རྩ་བརྒྱད་བྱས་པས་འགྲུབ་པར་འགྱུར་རོ། །
食乞得之食,念咒十万遍。月食时,对黑母牛乳念一百零八遍而涂,可成摄养精华之法。若欲年丰、子孙增盛,作酸乳护摩一百零八次,即得成就。
ཕ་རོལ་གྱི་དཔུང་གི་གནོད་པ་ཉམས་པར་བྱེད་ན། ལྕགས་ཕྱེ་ཏིལ་མར་དང་སྦྱར་བའི་སྦྱིན་སྲེག་ལན་གསུམ་བྱས་ཏེ། རྒྱལ་མཚན་དང་དུང་ལ་བརྒྱ་རྩ་བརྒྱད་བརྗོད་པས་འཕྱར་ཞིང་བུས་པས་རྒྱལ་མཚན་མཐོང་ཞིང་དུང་གི་སྒྲ་ཐོས་པས་ཕ་རོལ་གྱི་དམག་དཔུང་གིས་མི་ཚུགས་སོ། །
若欲削弱敌军之害,将铁粉与芝麻油相和,作护摩三次;对旗帜与螺念一百零八遍,再举旗吹螺,见旗闻螺者,敌军不能侵犯。
གཞན་དུ་ལོངས་མ་སྤྱད་པའི་བུམ་པ་འབྲུ་དང་སྨན་དང་རིན་པོ་ཆེས་བཀང་ལ་ལན་བརྒྱ་རྩ་བརྒྱད་བཟླས་ནས་ཁྲུས་བྱས་ན་བགེགས་ཀྱིས་ཟིན་པ་ལས་ཐར་རོ། །བྱིས་པ་བཀྲུས་ན་གདོན་གནོད་དོ་ཅོག་གིས་ཟིན་པ་ལས་ཐར་བར་འགྱུར་རོ། །རྨ་བྱའི་མཇུག་མ་ལ་ལན་སྟོང་རྩ་བརྒྱད་བརྗོད་ན་དུག་གོ་ཅོག་ཞི་བའོ། །སྐུད་པ་ལ་མདུད་པ་བདུན་བོར་ནས་ལན་བརྒྱ་རྩ་བརྒྱད་བརྗོད་ནས་མགུལ་དུ་བཏགས་ན་རིམས་ནད་བསྲུང་ངོ་། །
将未作他用之瓶装满谷物、药物与珍宝,念一百零八遍而沐浴,能脱离障碍所执;若以之洗浴儿童,则脱离一切祟害。对孔雀尾念一千零八遍,能息一切毒。在线上打七结,念一百零八遍而系颈,能护疫病。
ལམ་དུ་ཞུགས་པའི་ཚེ་རྡོ་རྗེ་ཅན་ལ་དམིགས་ཏེ་ལན་གསུམ་བརྗོད་ནས་སོང་ན་ཆོམ་རྐུན་གྱི་འཇིགས་པ་མི་འབྱུང་ངོ་། །གྲུ་རྒལ་བའི་ཚེ་ཆུ་ལ་ལན་བདུན་བརྗོད་ནས་ཆུའི་ནང་དུ་གཏོར་ནས་ཆུ་རྒལ་ན་བདེ་བར་ངོགས་སུ་ཕྱིན་ནོ། །ཡུངས་ཀར་ལ་སྟོང་རྩ་བརྒྱད་བཟླས་ནས་བདག་གི་དམག་འཁོད་པའི་ས་ལ་དང་། མགོ་ལ་གཏོར་ན་དམག་ལས་རྒྱལ་བར་ངེས་སོ། །མདའ་སྔོན་པོ་ལ་སྟོང་རྩ་བརྒྱད་བརྗོད་ནས་ཕ་རོལ་གྱི་དམག་གི་ཁྱིམ་དུ་འཕངས་ན་ཕ་རོལ་གྱི་མཚོན་གྱི་ནུས་པ་ཉམས་པར་འགྱུར་རོ། །ཡིད་ལ་བཟླས་བརྗོད་བརྒྱ་རྩ་བརྒྱད་བྱས་ན་ཆོམ་རྐུན་གྱི་ནུས་པ་མེད་པའོ། །
出行时,观持金刚,念三遍后出发,不起盗贼之怖。乘舟渡水时,对水念七遍,洒入水中后渡河,便安然到岸。对白芥子念一千零八遍,撒在己军驻地及头上,必能战胜。对蓝箭念一千零八遍,投向敌军居处,令敌方兵器之力衰损。心念一百零八遍,盗贼即无能为力。
ལྕགས་ཀྱི་ཕུར་པ་ལན་སྟོང་བཟླས་ནས་དུར་ཁྲོད་དུ་བཙུགས་ན། མི་མ་ཡིན་པ་ཐམས་ཅད་ཀྱི་གནོད་པ་དང་བྲལ་ཞིང་བཅིང་བར་འགྱུར་རོ། །དེ་ཉིད་ཕྱུང་ན་མཐོང་བར་ངེས་སོ། །མཚམས་གཅད་པར་འདོད་ན་ཡུངས་ཀར་རམ་དུར་ཐལ་ལམ་ཆུས་བྱའོ། །ནད་པ་ལ་གདོན་དབབ་པ་ནི་གུ་གུལ་ལ་ལན་ཉེར་གཅིག་བཟླས་ཏེ་བདུག་གོ། །
对铁橛念一千遍,插于尸林,便离一切非人之害,并将其缚住;拔出铁橛,必能见到。若欲结界,用白芥子、尸林灰或水而作。欲令祟降于病者,对安息香念二十一遍而熏。
ཆར་དབབ་པར་དཀའ་ན་མངར་གསུམ་ཁྲག་དང་སྦྱར་བའི་སྦྱིན་སྲེག་སྟོང་རྩ་བརྒྱད་བྱས་པས་དབབ་བོ། །མངར་གསུམ་དཀར་དང་བཅས་པའི་སྦྱིན་སྲེག་བྱས་ན་ཆར་པ་འཆད་དོ། །སེར་བ་གཅད་པར་འདོད་ན་ཡུངས་ཀར་དང་ཏིལ་ནག་པོ་ལ་བཟླས་སོ། །སྤྲིན་བསྡུ་བར་འདོད་ན་སྲིན་བལ་གྱི་མདུད་པ་ལ་བཟླས་སོ། །
若难降雨,将三甜与血相和,作护摩一千零八次,便能降雨。以三甜和白物作护摩,则能断雨。欲断冰雹,对白芥子和黑芝麻念诵;欲聚云,对棉线结念诵。
དེ་ལྟར་རིག་སྔགས་ཀྱི་ལས་ཐམས་ཅད་བྱེད་དུ་འཇུག་པའི་ལས་ཀྱི་བྱེ་བྲག་བཞི་བཅུ་རྩ་གཉིས་བཀོད་པ་ཡིད་བཞིན་ནོར་བུ་འོད་འབར་བ་ཞེས་བྱ་བ། སློབ་དཔོན་ཡེ་ཤེས་རྡོ་རྗེས་མཛད་པ་རྫོགས་སོ།།
如是,令一切明咒事业得以施行、安立四十二种事业差别的《炽光如意宝》,阿阇黎智金刚所作,圆满。
